ئیسرائیل: دوو بەرپرسی حەماسمان کوشت

SNN-

لە چەند هێرشێکی سوپای ئیسرائیلدا بۆسەر ناوچە جیاجیاکانی کەرتی غەززە، دوو بەرپرسی دیاری ناو بزووتنەوەی حەماس کوژران کە ئەکی سەربازییان هەبووە لەناو بزووتنەوەکەدا.

بەرپرسیی دەریایی حەماس
سوپای ئیسرائیل دەڵێت، عەبدوڵڵا ئەبو شەمالە، بەرپرسی دەریایی حەماس و فادی ئەبو مستەفا، بەرپرسی تونێلەکانی حەماس لە ناوچەی خان یونس، کوژراون کە دەستیان هەبووە لە بەبارمتەگرتنی

ئیسرائیلییەکان و هێرشەکەی 7ـی ئۆکتۆبەردا.

بەشداربووە لە هێرشەکەی 7ـی ئۆکتۆبەردا

بەگوێرەی زانیارییەکانی سوپای ئیسرائیل، ئەبو شەمالە بۆ ماوەی چەندین ساڵ سەرکردایەتیی سیستمی دەریایی حەماسی کردووە و بەشداربووە لە مەشقپێکردن و پلاندانان لە هێرشەکەی حەوتی ئۆکتۆبەردا.

بەرپرسی تونێلەکانی قەسام

ئەبو مستەفاش بەرپرسی تونێلەکانی قەسام، باڵی سەربازیی سەر بە حەماس بووە و بەشداربووە لە دەستبەسەرکردنی بارمتە ئیسرائیلییەکان، لەنێویاندا نیمرۆد کۆهین و دەیڤید کۆنیۆ و بارمتەکانی دیکە.

هێرشەکانی ئیسرائیل بەردەوامن

هەر لە سەروبەندی هێرشەکانی ئیسرائیل بۆسەر ناوچە جیاوازەکانی غەززە، سوپا هێشتا بەردەوامە لە گەڕان بەدوای بارمتە ئیسرائیلییە ونبووەکان لە گەڕەکی زەیتوونی باشووری ڕۆژهەڵاتی غەززە.

34 کەس کوژراون
لەماوەی زیاتر لە 24 کاتژمێری ڕابردوودا، بەهۆی هێرشەکانی ئیسرائیلەوە 34 کەس کوژراون و 77 کەسیش لانیکەم برینداربوون، دۆخی بەشێکی زۆری بریندارانیش مەترسیدارە.