مزگێنی پەڵەی سەرتاسەری درا

SNN
شاڵاو هیدایەت، شارەزایی بواری کەشناسی لەبارەی نوێترین پێشبینییەکانی بۆ کەشوهەواو دابارین دەڵێت، بۆ برا جوتیارەکان مزگێنی پەڵەی سەرتاسەری دەدەم بۆ ناو مانگی دوانزە و ئەو ناوچانەی کەماون پەڵەیان لێبدات تایبەت نیوەی یەکەمی مانگی دوانزە لەنێوان سەرەتا تاوەکو ناوەڕاستی مانگی دوانزە یان زوتریش پەڵەی داوە لەتەواوی ئەو ناوچانەی کەماون پەڵەیان لێبدات.

خوێندنەوەمان بۆ وەرزی دابارینی داهاتوو 2025- 2026 ز وەرزێکی باش دەبێت لەڕووی دابارینەوە و بەگشتی مەترسی وشکە ساڵی نیەو وشکە ساڵیش تێیدا کۆتایی دێت هەر سێ وەرز لە پار ساڵ باشتر دەبن لەڕووی دابارینەوە، بەجوتیارە بەرێزەکان ناڵێین تۆو داچێنن با بەقسەی ئێمەو کەشناسانی تریش تۆو دانەچێنن با بەتەمای خوا تۆو داوێڵەکان داچێنن چونکە ئەمە بەرپرسیاریتیەو ئێمە ئەو بەرپرسیاریەتیە هەڵناگڕین.

بەڵام من وەک خۆم واپێباشە کە جوتیارە بەرێزەکانی دەشتی قەراجو کەندێناواو مەخمورو بەشێکی گەرمیان تایبەت ناوەڕاستو باشوری و دەوروبەری کەرکوک ئەو ناوچانە که هەر دەچێنن جۆ بچێن باشترە چونکە جۆ بەرگەی ئاوو هەوای سەخت دەگرێت !! ناوچەکانی تریش و ئەوانەی کەوتوونە ناوچەی بارانی مسۆگەرەوە بەتایبەتی بۆ هەموو جۆرە دانەوێڵەو بەربوومێک گونجاو دەبێت ان شاءاللە.

مانگی دوانزەش مانگێکی تەڕو پاراو و تەواو باش دیارەو مانگەکانی تریش باشتر .