بۆ دیداری ئۆجەلان ئەمڕۆ كۆمسیۆنی پەرلەمان دەچێتە ئیمرالی

SNN-

بۆ دیدار لەگەڵ عەبدوڵا ئۆجالان, ئەمڕۆ وەفدی کۆمسیۆنی (دیموکراسی، خوشک-برایەتی و یەکگرتنی نەتەوەیی) لە پەرلەمانی توركیا، دەچێتە ئیمرالی.

وەفدەكەی پەرلەمانی توركیا بە هێلیكۆپتەر گەشتی ئیمرالی دەكات، وەفدەكە پێكهاتووە لە:
گوڵستان کلچ کۆچیگیت، جێگری هاوسەرۆکانی دەم پارتی
فەتی یڵدز، جێگری سەرۆکی گشتیی مەهەپە
حسێن یامان لە پارتی دادو گەشەپێدانی دەسەڵاتدار (ئاکەپە)

کۆنوسی کۆبوونەوەکە بۆ 10 ساڵ بە نهێنێ دەهێڵرێتەوە

لەم سەردانەدا، وەفدی پەرلەمانی توركیا گوێ بۆ ئۆجالان دەگرن، راو سەرەنجەكانی لەسەر چۆنیەتی چارەسەری پرسی كورد لە توركیا تۆمار دەكەن، کۆنوسی ئەم کۆبوونەوەیە بۆ ماوەی 10 ساڵ بە نهێنی دەهێڵرێتەوە.

بڕیارە، لەم دیدارەدا ئۆجالان لەبارەی پرسی چەكدارانی پارتی كرێكارانی كوردستان و هاوپەیمانی كوردو تورك و هەمواری یاساكان لە توركیا قسە بكات.

رۆژی 21ی شەم مانگە، كۆمسیۆنی تایبەت بە چارەسەری پرسی كورد لە پەرلەمانی توركیا، بەزۆرینەی دەنگ بڕیاریدا سەردانی ئۆجالان بكات، پارتەكانی (ئاكەپە)، (مەهەپە)، (دەم پارتی)، (EMEP)و (TIP) بە (بەڵێ) دەنگیاندا، بەڵام پارتی گەلی كۆماری ناكۆكییەكانی خۆی لەگەڵ ئەردۆغان تێكەڵ بە چارەسەری پرسی كورد كردو بڕیاریدا ئەندامەكانی خۆری لەناو كۆمسیۆنەكە نەنێرێت بۆ ئیمرالی، ئەمەش ناڕەزایەتی كوردی دژ بەو پارتە لێكەوتووەتەوە.