کۆشکی سپی:ترەمپ رووبەڕووی تۆڕی نێودەوڵەتی ئیخوان موسلمین دەبێتەوە
SNN
کۆشکی سپی رایگەیاند، دۆناڵد ترەمپ سەرۆکی ئەمریکا هەوڵەکانی بۆ بەرەنگاربوونەوە و بەتیرۆریستی ناساندنی رێکخواری ئیخوان موسلمین چڕکردووەتەوە.
بە پێی راگەیەندراوێکی کۆشکی سپی ترەمپ رووبەڕووی تۆڕی نێودەوڵەتی ئیخوان موسلمین دەبێتەوە، چونکە “ئیخوان موسلمین سوتەمەنی تیرۆر و هەڵمەتەکانی ناسەقامگیریکردنە کە دوژمنایەتی بەرژەوەندییەکانی ئەمریکا و هاوپەیمانەکانی ئەمریکا دەکەن لە ڕۆژهەڵاتی ناوەڕاست”.
ئاماژەی بەوەشکردووە: ترەمپ فەرمانێکی بۆ دەستنیشانکردنی لقەکانی ئیخوان موسلمین وەک رێکخراوی تیرۆریستی بیانی واژۆکردووە، کە لقەکانی ئەو رێکخراوەیە لە لوبنان و میسر و ئوردن لەخۆدەگرێت.
بەگوێرەی راگەیەندراوەکەی کۆشکی سپی، “لەماوەی 30 ڕۆژدا وەزیری دەرەوە و وەزیری گەنجینەی ئەمریکا ڕاپۆرتێکی هاوبەش پێشکەش بە ترەمپ دەکەن سەبارەت بە دیاریکردنی لقەکانی ئیخوان موسلیمین وەک ڕێکخراوی تیرۆریستی بیانی”.
