بڕیارێکی توند لە دژی ئۆتۆمبێلە بێسەرەتاکان دەرچوو

SNN

بەوتەی ئەفسەرێکی هاتووچۆ رێکاری توند بەرامبەر ئۆتۆمبێلە بێسەرەتاکان دەگیرێتەبەر و رەتیشیدەکاتەوە، هیچ ئۆتۆمبێلێکی لەو جۆرە لە سزا دەربازیان بووبێت.

عه‌قید نه‌وشیروان حه‌مه‌ئه‌مین ئه‌فسه‌ر له‌هاتووچۆى ناوشارى سلێمانى له‌به‌رنامه‌یه‌كى ڕاسته‌وخۆى ڕادیۆى هاتووچۆى سلێمانى (ترافیك ئێف ئێم) رایگەیاند: له‌وه‌زاره‌تى ناوخۆو به‌ڕێوه‌به‌رایه‌تى گشتیى هاتوچۆى هه‌رێمه‌وه‌ به‌بڕیار بۆمان هاتوه‌ كه‌ ده‌ستبگرین به‌سه‌ر ئۆتۆمبێله‌ بێسه‌ره‌تاكاندا”.

باسی لەوەشکرد: به‌هۆى هه‌ندێك بارودۆخه‌وه‌ نه‌مانویستوه‌ ئه‌و ئیجرائاته‌ بگرینه‌به‌ر، به‌ڵام حاڵه‌تى ئۆتۆمبێله‌ بێسه‌ره‌تاكان هه‌ر له‌ڕوداوه‌كان‌و ئه‌نجامه‌كانى‌و ئه‌و دۆخه‌ش كه‌ بینراوه‌و وه‌ك به‌ڵگه‌ش لاى ئێمه‌ هه‌یه‌ له‌هاتوچۆى سلێمانى، وایكردوه‌ بیر له‌وه‌ بكه‌ینه‌وه‌و بگه‌ینه‌ ئه‌و بڕیاره‌ى ده‌بێت ئیجرائاتى توندیان له‌دژ بگرینه‌به‌رو ده‌ستیان به‌سه‌ردا بگرین به‌تایبه‌ت ئه‌وانه‌ى گوێ به‌یاسا ناده‌ن‌و به‌رده‌وام یاساشكێنى ده‌كه‌ن

دڵنیایشی دایە هاووڵاتیان،کە  ئۆتۆمبێل هه‌یه‌ له‌و بێسه‌ره‌تایانه‌، بڕى دوو ملیۆن دینار غه‌رامه‌ى كامێراو یاساشكێنى داوه‌، هیچ ئۆتۆمبێلێكى بێسه‌ره‌تا له‌ئیجرائات ده‌ربازى نابێت.