تەیف سامی پەیامێکی بڵاوکردەوە

SNN

بەبۆنەی رۆژی جیهانی بەرەنگاربوونەوەی توندوتیژی دژی ژنان، تەیف سامی وەزیری دارایی عێراق پەیامێکی بڵاوکردەوە و تیایدا پشتیوانی خۆی بۆ هەوڵەکانی راگرتنی هەموو جۆرە توندوتیژییەک بەرامبەر بە ژنان دەربڕی.

تەیف سامی، لە پەیامەکەیدا رایەگیاندووە، بە بۆنەی ڕۆژی نێودەوڵەتی نەهێشتنی توندوتیژی دژی ژنان، جەخت لە بەردەوامی هەوڵەکانیان دەکەنەوە بۆ کۆتاییهێنان بە هەموو جۆرەکانی توندوتیژی و جیاکاری و کارکردن لە ڕێگەی ئەنجوومەنی باڵای کاروباری ژنان بۆ دابینکردنی پشتگیری و بایەخی پێویست بۆ بەرزکردنەوەی ئاستی ژنانی عێراق و بەهێزکردنی پێگەیان لە کۆمەڵگەدا.

راشیگەیاندووە: “پشتگیری تەواوی خۆمان دەردەبڕین بۆ ڕاگرتنی توندوتیژی بە هەموو شێوەکانییەوە، و دروستکردنی ژینگەیەکی سەلامەت و پشتیوان بۆ ژنان، و بەدیهێنانی دادپەروەری و یەکسانی، و لابردنی ئەو ئاستەنگانەی کە ڕووبەڕوویان دەبێتەوە بەهۆی کاریگەرییە نەرێنییەکانی ئەو بارودۆخە نائاساییە سەختانەی کە وڵاتەکەمان پێشتر بەسەریدا تێپەڕیوە”.

25/11ی هەموو ساڵێک لە جیهاندا وەک ڕۆژی جیهانی بەرەنگاربوونەوەی تووندو تیژی دژی ژنان دیاریکراوە، کە تیایدا چالاکی جۆراو جۆر بۆ ئەو مەبەستە ئەنجام دەدرێت.