وەزارەتی پەروەردە بژاردەیەک دەخاتە بەردەم ئەو مامۆستایانەی ئەمساڵ خانەنشین دەبن

SNN

پەروەردەی هەرێم بژاردەیەکی خستە بەردەم ئەو مامۆستایانەی بڕیارە لە 31ـی کانونی یەکەمی 2025 خانەنشین بن.

ئەمڕۆ چوارشەممە 26ـی 11، وەزارەتی پەروەردەی حکومەتی هەرێم بژاردەیەکی خستە بەردەم ئەو مامۆستایانەی بڕیارە 31ـی12ی 2025خانەنشین ببن و داوایان لێدەکات فۆڕمێک پڕبکەنەوە بۆ دەربڕینی بۆچوونی خۆیان سەبارەت بە خانەنشینبوون، یان بەردەوام بوون و وتنەوەی وانە تا کۆتایی وەرزی دووەمی خوێندن.

هاوکات پەروەردەی هەرێم دەڵێت، پێشنیارێکیان ئاڕاستەی ئەنجومەنی وەزیران کردووە بۆ پاراستنی شایستە داراییەکانی ئەو مامۆستایانەی بڕیاری مانەوە دەدەن.