ئەمڕۆ یەکێتی و پارتی کۆدەبنەوە

SNN-

بریارە دوای کاتژمێر10:00 هەردوو شاندی باڵای پارتی دیموکراتی کوردستان و یەکێتی نیشتیمانی کوردستان لە بارەگای مەکتەبی مەکتەبی سیاسی یەکێتی لە هەولێر کۆببنەوە

بڕیارە ئەمڕۆ دووشەممە، شاندی پارتی دیموکراتی کوردستان سەردانی بارەگانی مەکتەبی سیاسی یەکێتیی نیشتمانیی کوردستان بکات لە هەولێر و لەگەڵ شاندی دانوستانکاری ئەو حزبە کۆبێتەوە.

بەگوێرەی زانیارییەکان شاندی پارتی دەستپێشخەرییەکی بۆ یەکێتی پێیە بەمەبەستی دەستپێکردنەوەی دانوستانەکانی پێکهێنانی کابینەی نوێی حکومەتی هەرێمی کوردستان.

هەروەها تەوەرێکی دیکەی سەرەکیی سەردانەکە، گفتوگۆکردنە لەسەر دروستکردنی بەرەیەکی هاوبەش و کۆدەنگی لەنێوان لایەنەکان بۆ دانوستانەکانی پێکهێنانی حکومەتی داهاتووی عێراق. پارتی دەیەوێت لایەنە کوردییەکان بە یەک دەنگ بچنە بەغدا.