دۆناڵد ترەمپ، سەرۆکی پێشووى ئەمریکا | فۆتۆ: AP
SNN-
وتەبێژی کۆشکی سپی رایگەیاند، دۆناڵد ترەمپ، سەرۆکی ئەمەریکا بەشداری لە تیروپشکی یارییەکانی کۆتایی مۆندیالی 2026 دەکات.
کارۆلین لێڤیت، وتەبێژی کۆشکی سپیی ئەمریکا، رایگەیاند، “دۆناڵد ترەمپ سەرۆکی ئەمەریکا بەشداری لە تیروپشکی یارییەکانی کۆتایی مۆندیالی 2026 دەکات کە لە سەنتەری کینێدی لە واشنتن، رۆژی هەینیی داهاتوو بەڕێوەدەچێت.”
زۆربەی یارییەکان بە یاریی کۆتاییشەوە لەسەر خاکی ئەمریکا لە مۆندیالی 2026 بەڕێوەدەچن.
مۆندیال (World Cup) گەورەترین و بەناوبانگترین پاڵەوانێتی تۆپی پێیە لە جیهاندا، بریتییە لە جامی جیهانیی فیفا (FIFA World Cup)، کە پێشبڕکێیەکی تۆپی پێی نێودەوڵەتییە و لە نێوان هەڵبژاردە نیشتیمانییەکانی پیاواندا بەڕێوەدەچێت کە ئەندامی فیدراسیۆنی نێودەوڵەتی تۆپی پێ (FIFA)ن، هەموو چوار ساڵ جارێک بەڕێوەدەچێت و گەورەترین بۆنەی وەرزشی جیهانە و ملیۆنان بینەر لە سەرانسەری جیهاندا سەیری دەکەن.
