هەموو سەردانێک بۆلای سیستانی تا کاتێکی نادیار تاگیرا

SNN

کەناڵی فورات، لە نوسینگەی عەلی سیستانی مەرجەعی باڵای شیعە لە عێراق، ئاماژە بەوە دەکات، کە ناوبراو تەواوی سەردان و چاوپێکەوتنەکانی تا کاتێکی نادیار راگرتووە.

نوسینگەکە روونیشیدەکاتەوە، کە تەندروستی ناوبراو باش و جێگیرە، راگرتنی ئەم سەردانانە پەیوەندی بە تێکچوونی ناوبراوەوە نییە، بۆیە لەمڕۆ بە دواوە هەر سەردانێکی ناوخۆی و دەرەکی هەبێت بۆلای سیستانی هەڵدەوەشێندرێتەوە.

شایەنی وەبیرهێنانەوەیە، کە ئەمە جاری یەکەم نییە سیستانی هاتنی میوانانی و سەردانیکەرانی رادەگرێت، ئێستاش عێراق لە سەروبەندی پێکهێنانی حکومەتی نوێدایە، وا پێشبینی دەکرێت راگرتنی سەردانەکانی بۆ ئەوە بگەرێتەوە کە هیچ لایەن و کەسایەتییەکی سیاسی نەیەتە لای بۆ پشتیوانی کردنی، چونکە لای هەمووان روونە قسەی سیستانی لە عێراقدا قسەی یەکەم و کۆتاییە و رەتکردنەوەی نییە.