شاهۆ عوسمان: لەسەر ڕاسپاردەی قوباد تاڵەبانی زیانلێکەوتووانى لافاوەکە قەرەبوو دەکرێنەوە

SNN

جێگری پارێزگاری سلێمانی دڵنیایی دەداتە هاونیشتمانییان و ڕایدەگەیێنێت، فەرمان بە یەکە ئیدارییەکان کراوە دەست بە تۆمارکردنی زیانەکان بکەن.

خەمڵاندن بۆ زیانەکان دەکرێت

شاهۆ عوسمان، جێگرى پارێزگارى سلێمانى ڕایگەیاند، بە بەرپرسانى یەکە ئیدارییەکانى شارۆچکە و شارەدێیەکان ڕاگەیێنراوە کە دەستبەجێ دەست بە خەمڵاندن و ئامارکردنی سەرجەم ئەو زیانانە بکەن کە بەر هاووڵاتییان کەوتووە.

لەسەر ڕاسپاردەی قوباد تاڵەبانییە

جێگرى پارێزگار ئاماژەی بەوە دا، پرۆسەی بەدواداچوون و تۆمارکردنی زیانەکان لەسەر ڕاسپاردەى ڕاستەوخۆی قوباد تاڵەبانى، جێگرى سەرکوەزیرانى هەرێمى کوردستان بەڕێوەدەچێت.

بڕیاری قەرەبووکردنەوە دەدرێت

سەبارەت بە هەنگاوەکانی داهاتوو، شاهۆ عوسمان جەختی کردەوە: “پاش ئەوەى دۆخەکە ئاسایی دەبێتەوە، بە دڵنیاییەوە بڕیارى پێویست لەبارەى قەرەبووکردنەوەى زیانلێکەوتووانی لافاوەکەوە دەدرێت.”