ئەمڕۆ بارانبارین دەستپێدەکاتەوە

SNN-

لە ئەمڕۆوە هەینی شەپۆلێکی بارانبارین روو لە ناوچە جیاوازەکانی هەرێمی کوردستان دەکات و لە ناوچە شاخاوییە سنوورییەکانیش بەفر دەبارێت.

“مەترسی دروستبوونی لافاوی لێناکرێت”

ئاراس جەبار، شارەزای کەشناسی بڵاویکردووەتەوە، ئەو شەپۆلەی ئەمڕۆ روودەکاتە هەرێمی کوردستان جیاوازە لەگەڵ ئەوەی رۆژانی رابردوو بارانێکی زیاتر نەرم و لەسەرخۆیە وە رێژەکەشی باشە بەڵام بەو رادەیە زۆر نییە و مەترسی دروستبوونی لافاوی لێبکرێت هەڵبەت بە بارانی رۆژانی رابردوو شێ لەخاک و هەوای ناوچەکە زۆر زیادی کردوە.

دەشڵێت: ئەم حاڵەتەی ئەمڕۆ و سبەی بەسەر ئەو تەریەدا تێپەر ئەبێت لەبەر ئەوە لە واقیعدا رێژەی بارانەکە لەوانەیە زیاتر بێت لەوەی چاوەڕوان دەکرێت، بەڵام باری ناجێگیری لەهەوادا لاوازە بەهۆی نزمی پلەی گەرمیی و نەبوونی هۆکاری گەرمی کە لە شەپۆلی رابردوو شەپۆلێکی شێداری گەرمی لە دەریای سوورەوە لەسەرمانبوو ئەمجارە تەنها هەوایەکی ساردی شێدارە نابێتە هۆکار بۆ ئەوەی هەورەکان زۆر کەڵەکەدار ببن بۆیە هەورە بروسکە و تەرزە و بارانی بەخوڕ ئەگەرێکی لاوازە ئەگەر ڕووشبدات دیاری ناکرێت و مەودایەکی کەم ئەگرێتەوە.

“کەش تەواو سارد دەبێت”

ئاراس جەبار، نووسیویەتی: لەم شەپۆلە لە ئاسماندا هەوری نزمی باراناوی دروستەبێت کە گەشەکردنیان بەشێوەی ئاسۆییە بەسەر ناوچەیەکی فراواندا چردەبنەوە کەشێکی تەواو سارد و ئارام دروستدەکات.

ئەو شارەزایەکی کەشناسی سەبارەت بە دەنگۆی شەپۆلێکی بەهێز لە 17ی مانگەوە ئاماژەبەوەدەکات: ئەم شەپۆلە بەرادەیەک جێگیر نییە باسبکرێت یان دڵنیایی بدرێت لە جێگیربوونی تەنها لەسەر نەخشەی GFS ئەمریکی ئەو شەپۆلە هەیە ئاماژە بەهاتنی ناکرێت بۆ هەرێمی کوردستان، بەڵام بۆ باشوری عێراق و باکوری سعودیە ئەگەرەکە زیاترە کە لەو ناوچانەدا جێگیر ببێت و بارانێکی زۆر ببارێت