بافڵ جەلال تاڵەبانی: بۆ هەمیشە یاد و یادەوەرییەکانی فەرماندە ئاکام لەلامان بە زیندوویی دەمێنێتەوە
SNN-
بافڵ جەلال تاڵەبانی لە سێیەمین ساڵڕۆژی شەهیدبوونی فەرماندە ئاکام عومەر پەیامێکی بڵاوکردەوە و دەڵێت: بە شکۆوە سێیەمین ساڵڕۆژی شەهیدبوونی بەرز رادەگرین و بۆ هەمیشە یاد و یادەوەرییەکانی لەلامان بە زیندوویی دەمێنێتەوە.
“بەتەمەنێکی کەمەوە مێژوویەکی پڕشانازی تۆمارکرد”
بافڵ جەلال تاڵەبانی، سەرۆکی یەکێتی لە بەشێکی پەیامەکەیدا دەڵێت: فەرماندە ئاکام لەپێناو سەرفرازی گەلەکەمان گیانی بەختکرد و بەتەمەنێکی کەمەوە مێژوویەکی پڕشانازی تۆمارکرد.
“دروود و سڵاو بۆ گیانی پاکی کاک ئاکام و هاوڕێکانی”
بافڵ جەلال تاڵەبانی دەشڵێت: بەڵێن دەدەین وەفاداربین بۆ قوربانییەکانی و ئەوەی بەرنامەی بۆ دانابوو بە ئەمانەتەوە جێبەجێی بکەین.
لە کۆتایی پەیامەکەیدا دەشڵێت: دروود و سڵاو بۆ گیانی پاکی کاک ئاکام و هاوڕێکانی و سەرجەم شەهیدانی کوردستان.
