هۆکارى دواکەوتنى پارەى مانگى 11 چییە؟

SNN-

بەرپرسانی وەزارەتی پێشمەرگە وادەی خەرجکردنی پارە بۆ یەکەکانی 70 و 80 ڕادەگەیێنن.

هۆکاری دواکەوتنی پارەی مانگی 11

بەگوێرەى بەدواداچوونەکان، هاوکاریى دارایی هاوپەیمانان بۆ مانگى 11 دواکەوتووە و هێشتا نەگەیشتووەتە سەر هەژمارى وەزارەتى پێشمەرگە.

بەرپرسێکی باڵای وەزارەتەکە ڕایگەیاندووە، هۆکاری دواکەوتنەکە پەیوەندی بە وەزارەتی پێشمەرگەوە نییە و لای هێزەکانى هاوپەیمانان خۆیانە، هەرکات پارەکە بگات، ڕۆژ و کاتى دابەشکردنەکەى ڕادەگەیەنرێت.

وردەکاریی پارەی دابەشکراوی مانگی 10

بەپێی ئەو داتاکان، بۆ مانگى 10 بڕى شەش ملیار و 331 ملیۆن دینار دابەشکراوە.

ژمارەی سوودمەندان: 84 هەزار و 948 ئەفسەر و پلەدار و پێشمەرگە.

بڕی پارە بۆ هەر کەسێک: 74 هەزار و 500 دینار (بەبێ جیاوازیی پلە).

شێوازی وەرگرتن: 97%ـی هێزەکان لەڕێگەی “هەژماری من”ـەوە پارەکەیان وەرگرتووە.

یەکەکانی 70 و 80 کەی وەریدەگرن؟

سەبارەت بە چارەنووسی یەکەکانی 70 و 80، بەرپرسانى وەزارەت ڕوونیانکردەوە کە تاوەکو 31ـى 12ـى ئەمساڵ یەکەى ژمێریارییان بەتەواوەتى دەخرێتە سەر وەزارەت و لەژێر چوارچێوەی “دەڤەرى یەک و دوو” ڕێکخراونەتەوە.

هاوکارییەکە بۆ مانگی 11 ئەوان ناگرێتەوە، بەڵکو چاوەڕوان دەکرێت لە بودجەى 2026 و بۆ مانگی کانوونی دووەمی ساڵی داهاتوو، ئەوانیش سوودمەند بن.

کۆتاییهاتنی هاوکارییەکان

بەگوێرەی پلانەکان، ساڵی داهاتوو (2026) بڕی هاوکاریى هاوپەیمانان دەبێتە پێنج ملیۆن دۆلار و بڕیارە لە مانگی ئەیلوولی 2026ـدا پڕۆسەی هاوکارییە داراییەکان بە یەکجاری کۆتایی پێ بێت.