بافڵ جەلال تاڵەبانی بۆ کەسوکاری ئاکۆ سالار: ناهێڵم خوێنی ڕۆڵەکەتان بەهەدەر بڕوات

SNN-

بافڵ جەلال تاڵەبانی، سەرۆکی یەکێتیی نیشتمانیی کوردستان، لە پەیامێکدا نیگەرانی و خەمباریی قووڵی خۆی بۆ شەهیدبوونی کارمەندێکی ئاسایش لە چەمچەماڵ دەربڕی و بەڵێنی پاراستنی مافی کەسوکارەکەی دا.

پرسە و سەرەخۆشی

سەرۆکی یەکێتیی نیشتمانیی کوردستان ڕایگەیاند: “لە دڵەوە نیگەران و غەمباربووم بە شەهیدبوونی کاک (ئاکۆ سابیر حەمە ڕەزا) کارمەندی بەڕێوەبەرایەتیی ئاسایشی ڕۆژئاوای سلێمانی، کە لەکاتی ڕاپەڕاندنی ئەرکەکەیدا و بۆ خزمەتکردنی کەسوکاری سەربەرزی چەمچەماڵ بە ناحەق شەهیدکرا.”

بافڵ تاڵەبانی پرسە و سەرەخۆشیی خۆی ئاراستەی خێزان و بنەماڵەی شەهیدەکە کرد و ڕایگەیاند کە هاوبەشی خەمیانە.

بەڵێنێک بۆ کەسوکاری شەهید

لە کۆتایی پەیامەکەیدا، سەرۆک بافڵ بەڵێنێکی بە کەسوکاری شەهید ئاکۆ دا و وتی: “کەسوکاری سەربەرزی کاکە ئاکۆ دڵنیا دەکەمەوە، پارێزەری پاراستنی مافەکانیان دەبم و بەهیچ شێوەیەک ناهێڵم خوێنی ڕۆڵەکەیان بەهەدەر بڕوات.”