سەرۆک بافڵ گەیشتە بەغدا و زنـجـیـرەیـەک کـۆبـوونـەوە ئەنجام دەدات

SNN

بەیانی ئەمڕۆ شەممە، بافڵ جەلال تاڵەبانی سەرۆکی یەکێتیی نیشتیمانیی کوردستان، گەیشتە بەغدای پایتەخت و وا بڕیارە زینجیرەیەک کۆبوونەوە ئەنجام بدات لەگەڵ لایەنە جیاوازەکان.

بەگوێرەی زانیارییەکان، لەم سەردانەدا بڕیارە سەرۆکی یەکێتی زنجیرەیەک کۆبوونەوەی ئەنجام بدات، کە گرنگترینیان کۆبوونەوە دەبێت لەگەڵ محەممەد شیاع سوودانی، سەرۆکوەزیرانی عێراق.

دواتر سەرۆک بافڵ کۆبوونەوە لەگەڵ هێزە سیاسییەکان ئەنجام دەدات، جگە لە حکومەت، ئەجێندای سەردانەکەی بافڵ جەلال تاڵەبانی کۆبوونەوە لەگەڵ سەرجەم کەسایەتییە سیاسییەکان، سەرکردەی حیزب و لایەنە سیاسییە عێراقییەکان لەخۆ دەگرێت، بەمەبەستی تاوتوێکردنی دواین پێشهاتەکان و پرسە هەنووکەییەکان.