شارەزایەكی كەشناسی: بەفر لە سەنتەری شارەكان دەبارێ

SNN

ئەمڕۆ دووشەممە 22/12/2025، ئاراس جەبار، شارەزای كەشناسی، لەبارەی كەشوهەوای هەفتەی داهاتوو، ڕایگەیاندووە: “بە ویستی خودا، کۆتایی ئەم مانگە بە دیاریکراوی لە ڕۆژی 28/12/2025، پێشبینی دەکرێت شەپۆلێکی بەفر و بارانبارین بە ڕێژەیەکی باش ناوچەکانی هەرێمی کوردستان بگرێتەوە، سەرەتا زیاتر شەپۆلێکی باراناوییە، چاوەڕوان دەكرێت بەفریش لە زۆربەی ناوچە شاخاوییەکان ببارێت.”

ئەوەشی خستووەتە ڕوو، ڕاستەوخۆ دوای ئەو شەپۆلە، لەنێوان 1/1/2026 بۆ 5/1/2026، پێشبینی دەکرێت کاریگەریی نزمەپاڵەپەستۆیەکی جەمسەری باکوور بۆ سەر ناوچەکانمان درێژ ببێتەوە و شەپۆلێکی سەرما و بەفربارین ڕووبکاتە هەرێمی کوردستان و وڵاتانی باکووری ناوچەکە، لەم شەپۆلەدا یەکەم بەفربارینی ئەمساڵ بۆ سەنتەری بەشێک لە شارەکان چاوەڕوان دەکرێت.”