وەزارەتی دارایی وەڵامی کەناڵ 8 دەداتەوە
SNN-
وەزارەتی دارایی و ئابوری هەرێمی کوردستان وەڵامی هەوالێکی کەناڵ 8 دەداتەوە کە لە بارەی ئەوەی وەزیری دارایی و ئابوری چی بۆ چەمچەماڵ کردووە و دەڵێت: نەحکومەتی هەرێم و نە وەزارەتی دارایی هەرێمی کوردستان لە سنووری بوودجەی دیاریکراودا مافی هیچ جۆرە بەخشینێکی نییە.
“وەزارەتی دارایی مافی هیچ جۆرە بەخشینێکی نییە”
وەزارەتی دارایی ئاماژەی بەوەکردووە، لە گەشتی هەواڵەکانی ڕۆژی دووشەممەدا، کەناڵی 8 پرسیاری ئەوەی کردووە کە وەزیری دارایی چی بۆ چەمچەماڵ کردووە. لە وەڵامدا، وەزارەت ڕایگەیاندووە،کە لەبوودجەی دیاریکراوی عێراق بۆ ساڵەکانی ( 2023-2025 ) کە پەرلەمانی عێراق دەنگی لەسەرداوە بەهەموو لایەنەکانی دەسەڵات و ئۆپۆزسیۆنەوە لە بڕگەی تایبەت بە ( منح وإعانات ) دا هیچ پشکێکی بۆ حکومەتی هەرێم و وەزارەتی دارایی و ئابووری هەرێمی کوردستان دانەناوە، بۆیە نەحکومەتی هەرێم و نە وەزارەتی دارایی هەرێمی کوردستان لە سنووری بوودجەی دیاریکراودا مافی هیچ جۆرە بەخشینێکی نییە.
“هاوکاریکردن دەبێت لە رێگەی داواکاری فەرمییەوە بێت”
دەشڵێت: کەناڵ 8 دەتوانێت بگەڕێتەوە بۆ ناوەڕۆکی یاسای بوودجەی (2023-2025 ) کە وەزارەتی دارایی و ئابووری وەک لایەنێکی فەرمی حکومەتی هەرێم هەر بوودجە و پارەیەک تەرخان بکات بۆ هەر ناوچەیەک کە دەبێت بە پێی ڕێکار و یاسا و رێنماییەکانی حکومەتی هەرێم بێت و لە رێی پێشکەش کردنی داواکاری فەرمییەوە بێت.
