نرخی زێڕ بۆ جارێکی تر ژمارەی پێوانەیی تۆمار کرد

SNN

نرخی زێڕ بۆ ئەمڕۆ جارێکی تر لە بەرزیدا ژمارەی پێوانەیی تۆمارکردووە، نخی یەک ئۆنسە زێڕ لە چوار هەزار و 500 دۆلار نزیکبووەتەوە.

ئەمڕۆ چوارشەممە 24ی کانوونی یەکەم، نرخی زێڕ بەردەوامە لە تۆمارکردنی ریکۆردی نوێ لە بەرزبوونەوەی نرخەکەی تۆمارکرد، بەجۆرێک نرخی یەک ئۆنسە زێڕ بۆ ئەمڕۆ لە بازاڕەکانی جیهان گەیشتە چوار هەزار و 492 دۆلار.

هاوکات، پێشبینیدەکرێت نرخی زێڕ بەرزبوونەوەی زیاتر بەخۆیەوە ببینێت و بەربەستی چوار هەزار و 500 دۆلار تێپەڕێنێت.

دلێر تاهیر، سەرۆکی کۆمەڵەی زێڕنگەرانی سلێمانی لە لێدوانێکدا بە SNNی راگەیاندبوو، نرخی زێڕ بەردەوام دەبێت لە بەرزبوونەوەدا و کیلۆیەک ئاڵتوون لە ماوەی دوو رۆژدا نزیکەی 50 وەرەقە بەرزبووەتەوە.

لەبارەی نرخی زیویشەوە دلێر تاهیر ئاشکرایکرد، نرخی زیویش بەرزدەبێتەوە و خواستی زیوی زیاد دەکات، هاوکات هەر ئەمڕۆ، نرخی زیو گەیشتبووە 72.54 دۆلار کە بەرزترین ئاستی نرخەکەیەتی لە مێژوودا.

نرخی زێڕ بۆ ئەمڕۆ لە بازاڕەکانی کوردستان بەمجۆرە یە:

نرخی مسقاڵێک زێڕی عەیار 24 بە یەک ملیۆن و 26 هەزار هەزار دینار.

نرخی مسقاڵێک زێڕی عەیاری 22 بە 940 هەزار دینار.

نرخی یەک مسقاڵێک زێڕی عەیار 21 بە 898 هەزار دینار.

نرخی یەک مسقاڵ زێڕی عەیاری 18 بە 770 هەزار دینار.