ئەمڕۆ کۆتایی بە دابەشکردنی مووچەی ئەمساڵ دێت

SNN

ئەمڕۆ 30ی کانونی یەکەم-12 دواڕۆژی ساڵی 2025 و دابەشکردنی مووچەی مانگی تشرینی یەکەم-10 واتا دوو مانگ بەر لە ئێستا بەردەوامە.

بەپێی خشتەی بڵاوکراوەی وەزارەتی دارایی و ئابووریی حکومەتی هەرێمی کوردستان، موچەی دیوان و لیواکانی پێشمەرگە، یەکەی 70 و 80، پۆلیسی نەوت، ئەنجومەن و دەزگای ئاساییش دابەشدەکرێت، بەوەش کۆتایی بە دابەشکردنی موچە دێت.

ئەوەش لە کاتێکدایە مووچەی دوو کۆتا مانگی ئەمساڵ تا ئێستا چارەنووسیان نادیارە و پێشبینیش دەکرێت هاوشێوەی ساڵانی دیکە هاووڵاتییان چەند موچەیەکیان پاشەکەوتبکرێت.