دۆلار و دینار
SNN-
د. مەزهر محەمەد ساڵح، راوێژکاری دارایی و ئابووریی سودانی رایگەیاند، هەوڵدان بۆ گۆڕینی نرخی ئاڵوگۆڕی دینار بەرامبەر دۆلار بە مەبەستی دابینکردنی دارایی بۆ بودجە، بە “خراپترین رێگەی پارەدارکردن” لە رێبازە ئابوورییەکاندا دادەنرێت.
ئاماژەی بەوەشکرد، ئەمە بەتایبەت بۆ ئەو وڵاتانە راستە کە وەکو عێراق خاوەنی ئابوورییەکی تاکسەرچاوەن، چونکە هەنگاوێکی لەو جۆرە دەبێتە هۆی بەرزبوونەوەی هەڵاوسان و تێکچوونی سەقامگیریی ئابووریی گشتی.
دەشڵێت، هیچ ئاماژەیەک نییە بۆ گۆڕینی نرخی فەرمیی دۆلار، کە ئێستا بە 1320 دینار جێگیر کراوە، دابەزاندنی نرخی دینار خراپترین رێگەیە بۆ پڕکردنەوەی کورتهێنانی بودجە.
