سوپای سوریا هەڕەشە لە هەسەدە دەکات و لە هێرشەکانیان بۆ سەر ناوچە کوردییەکان بەردەوام دەبن

SNN

دەستەی بەناو ئۆپەراسیۆنەکانی سوپای عەرەبی سوریا رایگەیاندووە، هەموو پێگە سەربازییەکانی رێكخراوی هەسەدە لە ناو گەڕەکەکانی شێخ مەقسودو ئەشرەفیە ئامانجی سەربازی شەرعین بۆ سوپای عەرەبی سوریا.

دوای گرژوئاڵۆزییەکانی دوێنێ کە تا ئەمڕۆ جوارشەممە 7ی کانوونی دووەم لە نێوان سوپای سوریا و هەسەدە بەردەوامە، سوپای سوریا لە راگەیەنراوێکدا ئاشکرایکردووە، هەموو پێگەکانی هەسەدە بە ئامانج دەگرن، ئەوەش دوای پەرەسەندنی بەرچاوی گروپەکە بەرەو گەڕەکەکانی حەلەب و ئەنجامدانی کۆمەڵکوژییەکی زۆر لە دژی هاوڵاتیانی مەدەنی.

ئاژانسی سانای سەربە حكومەتی سوریا ئەوەی خستووەتە ڕوو، دەستەكە داوا لە دانیشتوانی مەدەنی لە گەڕەکی شێخ مەقسود و ئەشرەفیە لە حەلەب دەکەین دەستبەجێ خۆیان لە پێگەکانی هێزەکانی سوریای دیموکرات دوور بخەنەوە.

دوو رێڕەوی مرۆیی سەلامەتیش رادەگەیەنین کە بریتین لە (دەروازەی العوارز و دەروازەی شەقامی ئەلزهور) کە لەلایەن دانیشتوانی ناوچەکە ناسراون، تا کاتژمێر 3ی پاشنیوەڕۆ.