بافڵ جەلال تاڵەبانی و هادی عامری داوای داڕشتنی پڕۆژەیەکی نیشتمانی بۆ حکومەت دەکەن

SNN

بافڵ جەلال تاڵەبانی، سەرۆکی یەکێتیی نیشتمانیی کوردستان، لە بەغدا لەگەڵ هادی عامری، سەرۆکی هاوپەیمانیی فەتح کۆبووەوە.

تاوتوێکردنی دۆخی گشتی

لە دیدارەکەدا، کە ڕەفعەت عەبدوڵا، جێگری سەرۆکی یەکێتی، دەرباز کۆسرەت ڕەسوڵ، ئەندامی مەکتەبی سیاسی و خالید شوانی، وەزیری دادی عێراق ئامادەیبوون، دۆخی گشتیی عێراق و ناوچەکە خرایەبەر باس.

خێراکردنی هەنگاوەکان

هەردوولا جەختیان لەسەر پێویستیی خێراترکردنی هەنگاوەکانی پێکهێنانی حکومەتی نوێی عێراق کردەوە. هاوکات، داوای داڕشتنی پڕۆژەیەکی نیشتمانییان کرد بۆ کارنامەی حکومەتی داهاتوو، کە بنەماکەی خزمەتکردنی زیاتری هاوڵاتییان و پاراستنی بەرژەوندییە باڵاکانی وڵات بێت.