ئەسعەد شەیبانی: برا کوردەکانمان بەشێکی دانەبڕاون لە ناسنامەی سووریای یەكگرتوو

SNN

ئەسعەد شەیبانی، وەزیری دەرەوەی سوریا دەڵێت: شوناسی سوریا هەمیشە كۆكەرەوەی هەموو رۆڵەكانی بووەو برا کوردەکانمان بەشێکی دانەبڕاون لەو یەکگرتووییە.
شەیبانی دوای مەرسومەكەی ئەحمەد شەرع، سەرۆكی سوریا سەبارەت بە هەندێك لە مافە كلتورییەكانی كورد لە سوریا، لە سەكۆی “ئێكس” نوسیویەتی: ئەوان بەشێکن لە ئێمە، ئێمەش بەشێکین لەوان؛ داهاتوومان یەکەو پارچە ناكرێت.
باسی لەوەشکردووە: هێزی سووریا لە یەکگرتوویی گەلەکەیدایەو لە ڕێگەی یەکڕیزیمانەوە ڕووبەڕووی ئاستەنگەکان دەبینەوەو نیشتمانێکی ئازاد بونیاد دەنێین کە جێگەی هەموو خەون و خواستەکانمانى تیادا ببێتەوە.