ژمارهیهك هێڵی ئاسمانی گەشتەکانیان بۆ ئیسرائیل ههڵوهشاندهوه
SNN-
دوای ناردنی کەشتیگەلی سەربازیی ئەمریکا بۆ نزیک کەناراوەکانی ئێران، میدیاکانی ئیسرائیل بڵاویانکردەوە، ژمارەیەکی زۆر لە هێڵە ئاسمانییەکان گەشتەکانیان بۆ ئیسرائیل هەڵوەشاندوەتەوە، لهوانه هێڵی ئاسمانی فەرهنسا، سویسرا و كهنهكهدا.
میدیاکانی ئیسرائیل بڵاویانكردهوه، کۆمپانیای سویس و ئێر کەنەدا بڕیاریانداوە گەشتەکانیان بۆ تەلئەبیب ڕابگرن، هاوکات کۆمپانیای ئێر فرانس و لوفتانزاش هەڵوەشاندنەوەی گەشتەکانیان بۆ تەلئەبیب و دەوروبەری ڕاگەیاندوە.
ئاماژه بهوهشكراوه، ههروهها هێڵی ئاسمانی ڕۆیاڵ هۆڵندی KLM دوو گهشت كه بڕیاربوو ئهمڕۆ و سبهینێ بۆ تهلئهبیب ئهنجامبدرێت ههڵوهشاندهوه، بهبێ ئهوهی هیچ رونكردنهوهیهك بدات.
راگرتنی گەشتەکان دوای ئهوه هات كه دۆناڵد ترەمپ، سەرۆکی ویلایەتە یەکگرتوەکانی ئەمریکا وەک خۆپارێزی، ناردنی “كهشتییهكی گەورە”ی جهنگی بەرەو ئێران ڕاگەیاند، هاوکات هەڕەشەکانی لە دژی تاران نوێکردەوە لەسەر سەرکوتکردنی ناڕەزایەتییەکان و بەرنامە ئەتۆمیەکەی، ئەوەش دوای هێرشەکانی ئەمریکا بۆ سەر دامەزراوە ئەتۆمییەکانی مانگی حوزەیرانی ڕابردوو.
