وەزارەتی دەرەوەی سوریا:راست نییە ئاگربەست لەگەڵ (هەسەدە) درێژنەكراوەتەوە

SNN-

ئاژانسی فەرمی هەواڵەكانی سوریا (سانا) لەزاری سەرچاوەیەكەوە لە وەزارەتی دەرەوە رایگەیاند، ئەوەی لەبارەی درێژكردنەوەی موڵەتی ئاگربەست لەگەڵ هێزەكانی سوریای دیموكرات (هەسەدە) باس دەكرێت راست نییە.

ئەمە لەكاتێكدایە ئاژانسی هەواڵی (فرانس پرێس) لە زاری سەرچاوەیەكی كوردییەوە بڵاویكردەوە” ڕێککەوتنی ئاگربەستی نێوان حکومەتی سوریا و هێزەکانی (هەسەدە) بۆ ماوەی یەك مانگە وەك ئەوپەڕی وادە درێژكراوەتەوە”.

باسی لەوەكرد، ئاگربەستەکە درێژ دەکرێتەوە تا گەیشتن بە چارەسەرێکی سیاسی کە بۆ هەردوولا قبوڵکراو بێت.

هێزەكانی سوریای دیموكرات کاندیدی خۆی بۆ پۆستی بریکاری وەزیری بەرگری دیاریكرددووەو لیستی کاندیدەکانی پەرلەمانیش پێشکەش دەکات.

یەکێک له هۆکارەکانی درێژکردنەوەی ئاگربەست گواستنەوەی دەستگیرکراوانی داعشە له سوریاوه بۆ عێراق.