عەلی حەمەسەعید-SNN
ئەندامێكی ئەنجومەنی نوێنەرانی عێراق ئاماژە بەوەدەكات، لەگەڵ ئەوەی كە وەزارەتی دارایی هەرێم لیستی مووچەی مانگی ـی1 ئەمساڵی ناردووە، بەڵام بۆ ناردنی پارەی مووچە دەبێت لەلایەك وەزارەتی نەوتی عێراق ڕاپۆرتی فرۆشتنی نەوتی هەرێم ئاراستەی وەزارەتی دارایی عێراق بكات و هەرێمیش 120 ملیارەكە ڕەوانە بكات.
سروە محەمەد، ئەندامی ئەنجومەنی نوێنەرانی عێرا قبە SNNی ڕاگەیاند: لە گەڵ ئەوەی حكومەتی هەرێم لیستی مووچەی مانگی 1ـی بۆ بەغداد ناردووە، بەڵام تا ئێستا وەزارەتی دارایی هەرێم 120 ملیار دینارەكەی بۆ عێراق نەناردووە و تا ئەم بڕە پارەیەش نەنێرێت، عێراق پارەی مووچە نانێرێت.
ئاماژەی بەوەشكرد، جگە لە ناردنی 120 ملیار دینارەكە پێویستە كە وەزارەتی نەوتی عێراقیش ڕاپۆرتی فرۆشتنی نەوتی هەرێم ئاراستەی وەزارەتی دارایی عێراق بكات، بۆیە ئەگەر ئەم هەفتەیە هەرێم داهاتی نانەوتی بۆ عێراق بنێرێت ئەوا مووچە دەنێرن، چونكە دەبێت پێش پێكهێنانی حكومەتی عێراق ئەو ڕێككەوتنەی كە پێشتر لەسەر ناردنی مووچە كراوە جێبەجێ بكرێت و مووچە بنێرن.
ئەو ئەندامەی ئەنجومەنی نوێنەرانی عێراق ئەوەشی خستەڕوو، بەئەگەری زۆرەوە ئەم هەفتەیە هەرێم 120 ملیار دینارەكە ڕەوانەی هەرێم بكات و هەروەها وەزارەتی نەوتی عێراقیش ڕاپۆرتی فرۆشتنی نەوت ئاراستەی وەزارەتی دارایی عێراق بكات و پاشان دەستبكرێت بە ناردنی پارەی مووچە.
