نەوتەکەی بەغدا گەیشتووەتە سلێمانی و سبەی دابەشدەکرێت

SNN-

نەوتەکەی بەغدا گەیشتووەتە سلێمانی و سبەی لە سەنتەری سلێمانی دابەشدەکرێت

سەلام عومەر، وتەبێژی نەوت و کانزاکانی سلێمانی بە SNN-ی راگەیاند: نەوتەکەی بەغدا گەیشتووەتە سلێمانی و سبەینێ یەکشەممە نەوت لە سەنتەری شارەکە دابەشدەکرێت و بۆ هەر خێزانێک 100 لیترە و بە نرخی 31 هەزار دینار دابەشدەکرێت و لە مەڵبەندی یەکەوە دەستەبەدابەشکردنی نەوت دەکرێت.

حکومەتی عێراق 50 ملیۆن لیتر نەوتی سپی بۆ هەرێمی کوردستیان ناردووە و پشکی سلێمانی و هەڵەبجە 20 ملیۆن لیترە، 15 ملیۆن لیتری پشکی پارێزگای هەولێرە و ئەوەی دەمێنێتەوە پشکی پارێزگای دهۆکە.

حکومەتی هەرێمی کوردستان، لە ڕێگەی وەزارەتی سامانە سروشتییەکانەوە ئەمساڵ نەوتی دابەشکردووە بەسەر ناوچە شاخاوییەکاندا کە بۆ هەر بەرمیلێک 104 هەزار دینار بوو، بەڵام لە سەنتەری شاری سلێمانی تاوەکو ئێستا دابەشنەکراوە.

بەگوێرەی ئامارەکانی وەزارەتی سامانە سروشتییەکان لەکۆی گشتیی 126 ملیۆن و 484 هەزار و 800 لیتر نەوتی سپی کە لەلایەن هەرێمی کوردستان دابینکراوە، بڕی 124 ملیۆن و 900 هەزار لیتر دابەشکراوە، بەمەش 415 هەزار و 222 خێزان ماوە کە نەوتیان وەرنەگرتووە.