بافڵ جەلال تاڵەبانی ستایشی ئەزموونی ئەیاد عەلاوی دەکات و جەخت لە حکومەتێکی بەهێز دەکەنەوە

SNN

بافڵ جەلال تاڵەبانی، سەرۆکی یەکێتیی نیشتمانیی کوردستان، لە بەغدا لەگەڵ دکتۆر ئەیاد عەلاوی، سەرۆکی هاوپەیمانیی نیشتمانی و سەرۆکوەزیرانی پێشووتری عێراق کۆبووەوە.

گفتوگۆ لەسەر پێکهێنانی حکومەت

لە دیدارەکەدا، کە قوباد تاڵەبانی و دەرباز کۆسرەت ڕەسوڵ، ئەندامانی مەکتەبی سیاسی ئامادەیبوون، هەوڵەکان بۆ پێکهێنانی حکومەتی نوێی عێراق گفتوگۆی لەبارەوە کرا. هەردوولا جەختیان لەسەر پێویستیی بەردەوامبوونی هەوڵەکان کردەوە بۆ سەرخستنی لێکتێگەیشتنەکان، بە ئامانجی گەیشتن بە حکومەتێکی بەهێز و خزمەتگوزار.

ستایشێک بۆ تێکۆشەرێکی دێرین

لەلایەن خۆیەوە، سەرۆک بافڵ ستایشی ئەزموونی دەوڵەمەند و تێکۆشانی دکتۆر ئەیاد عەلاوی کرد دژی دیکتاتۆریەت و ڕۆڵی لە بنیادنانەوەی عێراقی نوێدا، وەک یەکێک لە تێکۆشەرە دێرینەکان و هاوڕێی سەرۆک مام جەلال.