سەرۆک بافڵ و شاندی باڵای چوارچێوەی هەماهەنگی جەخت لە پابەندبوون بە وادە دەستوورییەکان دەکەنەوە

SNN

بافڵ جەلال تاڵەبانی، سەرۆکی یەکێتیی نیشتمانیی کوردستان، لە دەباشان، پێشوازیی لە وەفدێکی باڵای چوارچێوەی هەماهەنگی کرد کە پێکهاتبوون لە بەڕێزان محەمەد شیاع سودانی، هادی عامری، موحسین مەندەلاوی و عەباس ڕازی.

تاوتوێکردنی دۆخی سیاسی

لە کۆبوونەوەکەدا، کە ڕەفعەت عەبدوڵا، جێگری سەرۆکی یەکێتی، شاڵاو کۆسرەت ڕەسوڵ و دکتۆر هاوڕێ شێخ دارۆ، ئەندامانی مەکتەبی سیاسی ئامادەیبوون، گۆڕانکارییە سیاسییەکان لەسەر ئاستی عێراق و ناوچەکە تاوتوێکران و تێپەڕاندنی ئاڵنگارییەکان بە گرنگ زانرا.

پێکهێنانی حکومەت و هەڵبژاردنی سەرۆککۆمار

پێکهێنانی حکومەتی نوێی عێراق و هەڵبژاردنی سەرۆککۆمار تەوەرێکی سەرەکیی کۆبوونەوەکە بوو. هەردوولا جەختیان لە پابەندبوون بە وادەی دەستووری کردەوە بۆ تەواوکردنی ڕێکارەکان و گەیشتن بە حکومەتێکی خزمەتگوزار.