بافڵ تاڵەبانی بۆ سەڵاحەدین بەهادین: یەکگرتوو هەمیشە بەشێک بووە لە چارەسەر و پاراستنی تەبایی

SNN

بافڵ جەلال تاڵەبانی، سەرۆکی یەکێتیی نیشتمانیی کوردستان، لە پەیامێکدا بەبۆنەی یادی 32 ساڵەی ڕاگەیاندنی یەکگرتووی ئیسلامیی کوردستانەوە، پیرۆزبایی لە ئەمیندار و سەرکردایەتیی ئەو حزبە دەکات و ستایشی ڕۆڵیان دەکات وەک هێزێکی میانڕەو لە هەرێمی کوردستاندا.

پیرۆزبایی و هیوای سەرکەوتن
سەرۆکی یەکێتیی نیشتمانیی کوردستان لە پەیامەکەیدا دەڵێت: “لەیادی سی و دووهەمین ساڵەی ڕاگەیاندنی یەکگرتووی ئیسلامیی کوردستان، پیرۆزبایی گەرمتان لێدەکەم و هیوای سەرکەوتنی زیاترتان بۆ دەخوازم.”

ستایشی ڕۆڵی یەکگرتوو
لە بەشێکی دیکەی پەیامەکەیدا، بافڵ تاڵەبانی بە ڕێز و پێزانینەوە باس لە ڕۆڵی یەکگرتووی ئیسلامیی کوردستان دەکات و ڕایدەگەیەنێت: “وەک هێزێکی میانڕەو، هەمیشە بەشێک بوون لە چارەسەر و پاراستنی تەبایی و برایەتی لە هەرێمەکەماندا.”

بانگەوازێک بۆ گەشەپێدانی پەیوەندییەکان
لە کۆتاییدا، سەرۆک بافڵ دووپاتی لەسەر گەشەپێدانی پەیوەندییەکان و هەماهەنگیی زیاتری نێوان هەردوو لا کردەوە، “لەپێناو کارکردنمان بۆ زیاتر خزمەتکردنی خەڵکە خۆشەویستەکەمان و پاراستنی بەرژەوەندییە باڵاکان و بنیادنانی حکومڕانییەکی دادپەروەر و خزمەتگوزار.”