وەزارەتی دارایی: ڕێکارەکانی مووچە لە بەغدا تەواوبوون و چاوەڕێی گەیشتنی پارەین

SNN

وەزارەتی دارایی و ئابووریی هەرێمی کوردستان لە ڕاگەیەندراوێکی فەرمیدا ئاشکرای کرد، دوای هەوڵ و بەدواداچوونی تیمەکانیان بۆ خەرجکردنی مووچەی مانگی 1ی فەرمانبەران و مووچەخۆران، سەرجەم ڕێکارە ئیداری و ژمێریارییەکان لە فەرمانگەی ژمێریاریی وەزارەتی دارایی حکومەتی فیدراڵ کۆتاییان هاتووە.

چاوەڕوانی بۆ گەیشتنی تەمویل و دابەشکردنی مووچە

بەپێی ڕاگەیەندراوەکەی وەزارەت کە لە ڕێکەوتی 10ی شوباتی 2026 بڵاوکراوەتەوە، لە ئێستادا تەنیا چاوەڕێی گەیشتنی تەمویلی دارایی لە بەغداەوە دەکەن. وەزارەتی دارایی جەختی لەوە کردووەتەوە کە لەگەڵ گەیشتنی پارەکە بۆ سەر هەژماری وەزارەت، لە نزیکترین کاتدا دەست بە دابەشکردنی مووچەی مانگی کانوونی دووەمی مووچەخۆران دەکرێت.