بافڵ جەلال تاڵەبانی و نووری مالیکی: پێویستە هەنگاوەکانی هەڵبژاردنی سەرۆککۆمار خێراتر بکرێن

SNN-

بافڵ جەلال تاڵەبانی، سەرۆکی یەکێتیی نیشتمانیی کوردستان، لە بەغدا لەگەڵ نووری مالیکی، سەرۆکی هاوپەیمانیی دەوڵەتی یاسا کۆبووەوە و جەختیان لە خێراکردنی پرۆسەی سیاسیی عێراق کردەوە.

یەکخستنی هەوڵەکان بۆ نەهێشتنی بەربەستەکان

لە دیدارەکەدا، کە دکتۆر خالید شوانی، وەزیری دادی عێراق ئامادەیبوو، دووپات لە پابەندبوون بە بنەماکانی دەستوور و یەکخستنی هەوڵەکان کرایەوە بۆ نەهێشتنی ئەو بەربەستانەی لەبەردەم پرۆسەی سیاسییدا دروست بوون.

خێراکردنی پرۆسەکە

هەردوولا جەختیان لەوە کردەوە کە پێویستە هەنگاوەکانی هەڵبژاردنی سەرۆککۆمار و پێکهێنانی حکومەتێکی بەهێز و خزمەتگوزار خێراتر بکرێن، بە شێوەیەک کە لەگەڵ خواست و داواکارییەکانی هاوڵاتیاندا بگونجێت