لیستی مووچەی مانگی 2 رەوانەی بەغدا دەکرێت

SNN-

وەزارەتی دارایی هەرێمی كوردستان ڕایگەیاند، لەم یەک دوو رۆژە لیستی مووچەی مانگی شوبات و میزان مراجعەی مانگی یەک ڕەوانەی دارایی فیدراڵ دەکرێت، سەرچآوەیەکیش لە وەزارەتی دارایی  عێراق دەڵێت: ئەگەر هیچ نەیاتە پێشەوە پێش جەژنی رەمەزان مووچەی مانگی 2 ی فەرمانبەرانی هەرێمی کوردستان خەرج دەکرێت.

سەرچاوەیەکی وەزارەتی دارایی و ئابووری هەرێم, رایگەیاندووە،” لیستی مووچەی مانگی شوبات ئامادە كراوە و ئەگەر هیچ كەموكوڕییەك نەبێت، بڕیارە ئەمڕۆ یان سبەینێ دووشەممە رەوانەی دارایی فیدراڵ بكرێت”.

دەشڵێت:لیستی مووچە و تەرازووی پێداچوونەوەی مانگی یەك (میزان موراجەعە) لە لابەن تیمێكی تەكنیكی وەزارەتی دارایی هەرێمی كوردستان رادەستی ژمێركاری دارایی فیدراڵ دەكرێت.

رۆژی 27ی کانوونی ددوەمی 2026، لیستی مووچەی مانگی یەكی فەرمانبەران و مووچەخۆرانی هەرێمی کوردستان لەلایەن تیمی تەکنیکی وەزارەتەوە ڕەوانەی بەغدا کرا.

یادگار جەبار، بەرپرسی بایۆمەتری لە سلێمانی بە میدیای پارتی ڕاگەیاند: بەراورد بە مانگی یەك، لیستی مووچەی مانگی دوو زووتر لە ڕێگەی سیستەمی (پەیرۆڵ) ئامادە و وردبینیی كرا.

“هەوڵێك هەیە تا لە مووچەی مانگی شوباتدا، ئەو 36 ملیار دینارەی لە تەمویلی مووچەی مانگی یەكدا بڕدرا، بۆ جیاوازیی مووچەی هەشت هەزار خانەنشین بگەڕێندرێتەوە و لەگەڵ مووچەی مانگی دوو خەرج بكرێت”.سەرچآوەکەی وەزارەتی دارایی و ئابوری وای وت.