تووشبوویهكى ترى كۆرۆنا له سلێمانى گیانى لهدهستدا
وێنهى تهرمى یهكێك لهوانهى به ڤایرۆسى كۆرۆنا كۆچى دوایی كردووه له سلێمانى | فۆتۆ: SNN
كهمێك لهمهوبهر تووشبوویهكى ترى ڤایرۆسى كۆرۆنا له شارى سلێمانى گیانى لهدهستدا و ژمارهى ئهو كهسانهى ئهمڕۆ به ڤایرۆسهكه گیانیان لهدهستداوه لهو پارێزگایه گهیشته شهش كهس.
بهپێى زانیارییهكانى (SNN)، “كهمێك لهمهوبهر تووشبوویهكى ترى ڤایرۆسى كۆرۆنا له یهكێك له نهخۆشخانهكانى تایبهت به كۆرۆنا به ڤایرۆسهكه گیانى لهدهستداوه”.
بهپێى ئامارهكانى وهزارهتى تهندروستى ههرێم له ماوهى 24 كاتژمێرى رابردوودا، “تهنیا له پارێزگاى سلێمانى 67 تووشبووى نوێى كۆرۆنا دهستنیشانكراون، هاوكات له كاتژمێر 8:00ى بهیانى ئهمڕۆوه تا ئێستا شهش كهس به ڤایرۆسهكه گیانیان لهدهستداوه، بهمشێوهیه: پیاوێك و سێ ژن، دانیشتووی ناو شاری سلێمانین دوای خەواندن و مانەوە لە نەخۆشخانە لە بەشی چاودێری چڕ و مانەوە لەسەر ئامێری هەناسەدانی دەستکرد گیانیان لەدەستدا.
ئامارهكانى تووشبوون به كۆرۆنا له ههرێمى كوردستان له ههڵكشاندان بهپێى راگهیهنراوى وهزارهتى تهندروستى له 24 كاتژمێرى رابردوودا 133 حاڵهتى نوێى تووشبوون به كۆرۆنا راگهیهنراون، تا ئێستاش ههزار و 222 كهس تووشى كۆرۆنا بوون له ههرێم، 24 كهس به ڤایرۆسهكه گیانیان لهدهستداوه و له بهرامبهردا 448 تووشبوو چاكبوونهتهوه، هاوكات 750 كهیسى چالاك له ئێستادا له نهخۆشخانهكاندان و چارهسهر وهردهگرن.
