کەی 120 ملیار دینارەکە بۆ بەغدا دەنێردرێت؟

سەرچاوەیەک لە وەزارەتی دارایی هەرێم رایگەیاندووە، 120 ملیار دینارەکە ئەمڕۆ یان سبەینێ کۆکردنەوەی تەواو دەبێت و بۆ بەغدا دەنێردرێت، دەڵێت “سلێمانی پارەی داهاتی نانەوتی ئامادەیە”.
ئاماژەی بەوەکردووە، ئاماژەیەک هاتووە ئەمڕۆ سلێمانی 48 ملیار دینارەکەی ئامادە دەبێت و هیچ گرفتێکی نامێنێت، ئەوەی ماوەتەوە کۆی گشتی پارەکەیە کە لە 24 کاتژمێری داهاتوودا ئامادە دەبێت.
ئەو سەرچاوەیە وتوویەتی “ئەگەر 120 ملیار دینارەکەش ئامادە بێت تاکو لەرێگەی نوێنەرایەتی حکومەتی هەرێم لە بەغدا ئاگادارمان نەکەنەوە کە تەمویلی مووچەی مانگی 2 ئامادەیە و 120 ملیار دینارەکە بنێرین، ئەوا ناتوانین لە خۆمانەوە 120 ملیار دینارەکە بۆ بەغدا بنێرین، چونکە مانگێکی ساڵی پار 120 ملیار دینارەکەمان نارد بەڵام بەغدا پارەی مووچەی ناردن تاکو بەبڕیاری سودانی نێردرا”.
ئەوەش خراوەتە ڕوو، لەو هەموو ئەگەرێکدا ئەم هەفتە مووچە نایەت و خەرجکردنی مووچەی مانگی شوبات دەکەوێتە 10ی ئازارەوە.