48 ملیار دینار لە داهاتی نانەوتی سلێمانی گەیشتە بانكی منارە و سبەی 120 ملیارەكە ڕەوانەی بەغدا دەكرێت

عەلی حەمە سەعید-SNN

بەرپرسێكی وەزارەتی دارایی هەرێم ئاشكرایكردەكە ئێوارەی ئەمڕۆ بڕی 48 ملیار دینار لە گەنجینەی سلێمانی وەك داهاتی نانەوتی بۆ مانگی شوبات رەوانەی بانكی منارە كرا و سبەی سێ‌ شەممە 120 ملیار دینار لەداهاتی نانەوتی ڕەوانەی بەغغدا دەكرێت.

بەگوێرەی ئەو زانیارییانەی كە لە بەرپرسێكی وەزارەتی دارایی هەرێم بە SNN دراون ئەوەخراوەتەڕوو، لە ئێستادا بڕی 120 ملیار دینار لەداهاتی نانەوتی بۆ مانگی شوبات ئامادەیە و سبەی سێ‌ شەممە ڕەوانەی بەغدا دەكرێت، ئەوەش دوای ئەوەی ئێوارەی ئەمڕۆ لە سلێمانییەوە بڕی 48 ملیار دینار ڕەوانەی بانكی منارە كرا.

ئاماژەی بەوەشكرد، بەگەیشتنی ئەو 120 ملیار دینارە، دواتر بڕیارەكە دەكەوێتە سەر وەزارەتی دارایی عێراق بەناردنی پارەی مانگی دووی مووچەخۆرانی هەرێم، بەڵام بەهەموو ئەگەرەكان ناردنی پارە دەكەوێتە ڕۆژی پێنجشەممە.

بەرپرسەكەی وەزارەتی دارایی هەرێم ئەوەشی وت، دابەشكردنی مووچەی مانگی دوو لە هەفتەی داهاتوو كۆتایی دێت.