هۆشدارییەکی توندی ئێران بۆ هەرێمی کوردستان: سەرجەم دامەزراوەکانتان دەکەینە ئامانج
ئاڵاى وڵاتى ئێران | فۆتۆ: AFP
– SNN
عەلی ئەکبەر ئەحمەدیان، نوێنەری رێبەری کوژراوی ئێران لە ئەنجوومەنی بەرگریی وڵاتەکە هۆشدارییەکی توندی ئاراستەی هەرێمی کوردستان کرد و رایگەیاند، لە ئەگەرى هەر جموجۆڵێکی گروپە چەکدارەکان بۆ سەر سنوورەکانی ئێران، سەرجەم دامەزراوەکانی هەرێم بە ئامانج دەگرن.
، نوێنەری ڕێبەر لە ئەنجومەنی بەرگری ئاماژەی بەوە کرد: “بە دۆستان و برایانمان لە هەرێمی کوردستان ڕادەگەیەنین، کە تاوەکو ئێستا تەنها بارەگاکانی ئەمریکا، ئیسرائیل و گروپە جوداخوازەکان لە هەرێم کراونەتە ئامانج، بەڵام ئاگاداریان دەکەینەوە ئەگەر ڕێگە بە بەردەوامی مانەوە، پیلانگێڕی، یان هاتنی ئەو گروپانە و توخمەکانی ڕژێمی زایۆنیستی بۆ ناو سنوورەکانی کۆماری ئیسلامی بدەن، ئەوا سەرجەم دامەزراوەکانی هەرێمی کوردستان وەک پشتێنەیەک بۆ ئەو گروپانە، بە شێوەیەکی بەرفراوان دەکرێنە ئامانج.”
ئەو هۆشدارییەی ئێران لە کاتێکدایە کە لەسەرەتای جەنگی نێوان ئێران ئیسرائیلەوە چەندین هێرشی مووشەک و درۆنی کراوەتەوە سەر بنکەکانی مانەوەی هێزەکانی ئەمریکا لە کوردستان و باوەگای حزبەکانی رۆژهەڵاتی کوردستان لە ئێران
