نەفتالی بینێت: ئەگەری هەیە ئیسرائیل هێرش بکاتە سەر تورکیا

SNN –

نەفتالی بینێت، سەرۆکوەزیرانی پێشووتری ئیسرائیل، لە چاوپێکەوتنێکی نوێدا لەگەڵ تۆڕی هەواڵی “بلۆمبێرگ” هۆشدارییەکی توند ئاراستەی ئەنقەرە دەکات و ڕایدەگەیەنێت، وڵاتەکەی دەستەوسان ناوەستێت بەرامبەر هەوڵەکانی تورکیا بۆ دروستکردنی هاوپەیمانییەکی نوێی ئیسلامی لە ناوچەکەدا.

بینێت دەشڵێت: کە ئیسرائیل ڕەنگە لە کۆتاییدا ناچاربێت پەنا بۆ “کردەوەی سەربازی” دژی تورکیا ببات، ئەگەر ئەنقەرە ببێتە هەڕەشە بۆ سەر ئاسایشی ئیسرائیل.

ناوبراو هۆشداری دەداتە ئەردۆغان لە دروستکردنی بەرەیەکی “ئیسلامی سوننە” کە (تورکیا، قەتەر، حەماس و جۆلانی) لەخۆ بگرێت، دەڵێت: “ئەمە وەک بلۆکێکی دوژمنکارانە دەبینین.”

سەرۆکوەزیرانی پێشووتری ئیسرائیل ئاماژە بەوە دەکات کە دوای یەکلاییکردنەوەی ململانێکان لەگەڵ ئێران، دەبێت دڵنیابن لەوەی تورکیا گەمارۆیان نادات.

بینێت جەخت دەکاتەوە کە ئایندەی پەیوەندییەکان بەندە بە بڕیاری ئەنقەرە، ئەگەر ئاشتییان بوێت ئاشتی دەبێت، بەڵام ئەگەر پەنا بۆ “تیرۆر” بەرن، ئیسرائیل وەڵامی توندی دەبێت.