عێراقچی: ئیسرائیل “کۆمەڵکوژیی ژینگەیی” لە تاران ئەنجامداوە و دەبێت سزا بدرێت

SNN-

  عەباس عێراقچی، وەزیری دەرەوەی ئێران، هێرشەکانی ئەمدواییەی ئیسرائیلی بۆ سەر کۆگاکانی سووتەمەنی لە تاران بە “تاوانی جەنگ” و “کۆمەڵکوژیی ژینگەیی” ناودەبات و داوای سزادانی نێودەوڵەتی بۆ تەلئەبیب کرد.

وەزیری دەرەوەی ئێران لە هەژماری فەرمی خۆی لە تۆڕی کۆمەڵایەتی “ئێکس”  نووسیویەتی:”بۆردومانکردنی کۆگاکانی سووتەمەنی نەک تەنها پێشێلکردنی یاسا نێودەوڵەتییەکانە، بەڵکو دەبێتە هۆی پیسبوونی خاک و ئاوی ژێر زەوی، کە کاریگەرییەکی درێژخایەنی لەسەر تەندروستی دانیشتووان و نەوەکانی داهاتوو دەبێت.”

عێراقچی جەختی لەوەشکردەوە کە ئەم هێرشانە زیانێکی گەورەی بە ژینگە و خۆشگوزەرانی خەڵکی تاران گەیاندووە، بۆیە پێویستە کۆمەڵگەی نێودەوڵەتی ئیسرائیل سزا بدات بەهۆی ئەنجامدانی تاوانەکانی جەنگ..