له كهركوك گهنجێك لهكاتى گۆڕینهوهى ئهڵقهى دهستگیرانیدا لهلایهن باوكییهوه كوژرا
خۆكوشتن | فۆتۆ: Fer Gregory
SNN – عیماد جەباری
لە باشووری کەرکوک گەنجێک لەنێو ئاهەنگی گۆڕینەوەی ئهڵقهى هاوسەرگیریدا لەلایەن باوکییهوه بەهەڵە کوژرا.
بهپێى زانیارییهكانى (SNN) كه له پۆلیسى كهركوك دهستى كهوتوون، “لە گەڕەکی سەلام-ی قەزای حەویجە گەنجێک لە ئاهەنگی گۆڕینەوەی ئهڵقهى هاوسەرگیرییهكهیدا بەهەڵە لەلایەن باوکیهوه کوژرا”.
ههر بهپێى زانیارییهكان، “گەنجەکە ناوی (سەلام خزر)ه تەمەنى 17 ساڵە، ئێوارەى ئەمڕۆ کاتێک سەرقاڵی ئاهەنگی گۆڕینەوەی ئەڵقەی هاوسەرگیری بووە لەگەڵ دەستگیرانەکەی فیشەکێک بەر سینگی کەوتووە و بەهۆیەوە گیانی لەدەستداوە”.
هاوكات (SNN) لهبارهى وردهكارى رووداوهكهوه ئهوهشى زانیووه، “فیشەکەکە لەئەنجامی تەقەی خۆشی باوکی بەریکەوتووە، لەدوای رووداوەکەش باوکی کوژراوەکە بەناوی (خزر جاسم ) كه تەمەنى 66 ساڵه لەلایەن پۆلیسی قەزاکەوە دەستبەسەرکراوە”.
