ناتانیاهۆ وادەی کۆتایهاتنی جەنگی راگەیاند

SNN

بنیامین ناتانیاهۆ، سەرۆک وەزیرانی ئیسرائیل رایگەیاندووە، شەڕی دژی ئێران زیاتر لە نیوەی ئامانجەکانی بەدیهێناوە و هیچ وایەدەكيش بۆ کۆتاییهاتنی دیاری نەكراوە.

ناتانیاهۆ لە چاوپێكەوتنێكدا لەگەڵ کەناڵی “نیوزماکس”ی ئەمریکی ئاشکرایکردووە، بە دڵنیاییەوە نیوەی رێگاکەمان تێپەڕاندووە، بەڵام نامەوێت خشتەی کاتی دابنێم  بۆ ئەوەی کەی شەڕەکە کۆتایی دێت.

ئاماژەی بەوەکردووە، پێموایە ئەم دەسەڵاتە لە ناوەوە دەڕوخێت، بەڵام لە ئێستادا ئەوەی ئێمە دەیکەین لاوازکردنی توانا سەربازییەکانیان و لاوازکردنی توانا موشەکییەکانیان و لاوازکردنی توانا ئەتۆمییەکانیان و لاوازکردنیانە لە ناوەوەش.

جەختیکردووەتەوە، شکستهێنان لە گرتنەبەری هەنگاوی یەکلاکەرەوە هانی  ئێران دەدات و هەڕەشە لە ئاسایشی جیهانی دەکات، دەڵێت “هەڕەشەی ئێران تەنها ئاڕاستەی ئیسرائیل نییە، بەڵکو ناوچەکەش تێدەپەڕێنێت.”