تەیف سامی مەرجی هەیە بۆ ناردنی مووچەی مانگی 3

SNN-

تەیف سامی وەزیری دارایی عێراق، داوایکردووە حکومەتی هەرێمی کوردستان، “داهاتی نانەوتی، نوسراوی وەزارەتی نەوت، داهاتی باج و گومرگ، بنێرێت دواتر دەست بە ڕێکارەکانی ناردنی مووچە دەکەین.”

ئەمەش لە کاتێکدایە، بەهۆی ئەو بارودۆخە نائاساییەی كە ماوەی مانگێكە ناوچەكەی گرتووەتەوە، لەڕووی ئابورییەوە كاریگەری خراپی هەبووە لەسەر كەمبوونەوەی داهات، ئەوەش بەهۆی داخرانی سنورەكان و كەمبوونەوەی قەبارەی بازرگانی.

پێشتریش بەرپرسێكی وەزارەتی دارایی بە SNNـی راگەیاندبوو، گفتوگۆ لەنێوان شاندی وەزارەتی دارایی هەرێم و عێراق دەستپێكردووە لەبارەی ئەوەی بۆ ئەم مانگە گۆڕانكاری لە داهاتی نانەوتی هەرێم بكرێت و كەمتر لەو 120 ملیار دینارە ڕەوانە بكرێت كە مانگەكانی پێشوو ڕەوانە كراوە.