SNN-
عەلی حەمەسەعید-SNN
دوای ئەوەی لە ماوەی ڕابردوودا بۆری سەرەكی گواستنەوەی ئاوی شارۆچكەی شارەزوور زیانی بەركەوت و بەهۆیەوە دابەشكردنی ئاو ڕاگیرا، بەڵام بەهەوڵی نووسینگەی تایبەتی جێگری سەرۆكی حكومەت تواندرا ئەو گرفتە چارەسەر بكرێت و بۆری گواستنەوەی ئاوی خواردنەوەی شارەزوور بكەوێتەوە كار.
ڕەمەزان عارف، بەڕێوەبەری ئاوی قەزای شارەزوور بە SNNی ڕاگەیاند: دوای ئەوەی لەماوەی ڕابردوودا بەهۆی زۆری باران بارینەوە بۆری گواستنەوەی ئاو لەسەرچاوەی بێستان سور بۆ قەزای شارەزوور گرفتی بۆ دروست بوو، بەڵام بەهەوڵی لایەنە پەیوەندیدارەكان بەتایبەت نوسینگەی تایبەتی قوباد تاڵەبانی جێگری سەرۆكی حكومەت توانیمان ئەو گرفتە چارەسەر بكەین.
ئاماژەی بەوەشكرد، لە ئەمشەوەوە دابەشكردنی ئاو لە شارەزوور دەستپێدەكاتەوە، هاوكات كاركردن لە پرۆژەی ئاوی بێستانسوور دەستیپێكردووەتەوە و دوای پڕبوونی خەزانەكە دابەشكردنی ئاو دەستپێدەكاتەوە.
بەڕێوەبەری ئاوی قەزای شارەزوور ئەوەشی خستەڕوو، لە ماوەی دوو بۆ سێ ڕۆژدا دابەشكردنی ئاو دەچێتەوە دۆخی ئاسایی خۆی و بەبێ جیاوازی ئاو بەسەر سەرجەم گەڕەكەكاندا دابەشدەكەین، ئەوەش دوای ئەوەی نوسینگەی جێگری سەرۆكی حكومەت هاوكار مان لە چاككردنەوەی بۆری سەرەكی گواستنەوەی ئاو لە بێستان سوورەوە بۆ قەزای شارەزوور.
