شەڕی ئێران و ئەمریكا، گەشتی حاجییانی هەرێم لە ئاسمانیەوە دەگۆڕێت بۆ وشكانی
گهشتێكى عومرە له حهرهمى مهككه | فۆتۆ: SNN
عەلی حەمە سەعید-SNN
وتەبێژی دەستەی حەج و عومرەی هەرێمی كوردستان ئاماژە بەوەدەكات، ئەگەر تاكاتی بەڕێكردنی حاجییانی ئەمساڵی هەرێمی كوردستان و عێراق شەڕی نێوان ئێران و ئەمریكا و ئیسرائیل بەردەوام بێت، ئەوا بەناچاری گەشتی حاجییان لەڕێگەی ئاسمانییەوە دەگۆڕین بۆ وشكانی، هاوكات حكومەتی هەرێمیش بڕیاری پێویست لەو بارەیەوە دەردەكات.
كاروان ستونی، وتەبێژی دەستەی حەج و عومرەی هەرێمی كوردستان بە SNNی ڕاگەیاند: بەهۆی ئەو بارودۆخەی هاتووەتە ئاراوە لە ئەنجامی شەڕی نێوان ئێران و ئەمریكا و ئیسرائیل، لە ێستادا گەشتە ئاسمانییەكانی عێراق و هەرێمی كوردستان ڕاوەستاون، بۆیە ئەگەر تاكانی بەڕێكردنی كاروانی حاجییان شەڕ بەردەوامبێت، ئەگەری زۆرەوە گەشتەكان لە رێگەی ئاسمانییەوە بكرێنە رێگەی وشكانی.
ئاماژەی بەوەشكرد، تا ئێستا بڕیاری كۆتایی لەو بارەیەوە نەدراوە چاوەڕێی بارودۆخەكەدەكەین، لەگەڵ ئەوەشدا ئامادەكارییەكانی پرۆسەی ئەنجانمدانی حەج لە كوردستان و عیراق و سعودیە بەشێوەیەكی ئاسایی بەرێوەدەچن و هیچ وەستانێك لە كارەكاندا نییە.
وتەبێژی دەستەی حەج و عومرەی هەرێمی كوردستان ئەوەشی خستەڕوو، ئاماژەی بەوەشكرد، ڤیزای هەموو حاجیانی كوردستان گەڕاوەتەوە و هەروەها بڕیارە 18ـی ئەم مانگەش ڤیزای حەج چالاك بێت و لەم كاتەوە وەرزی حەج بۆ هەموو وڵاتانی جیهان دەستپێدەكات، تا ئەوكاتەش حكومەتی هەرێمی كوردستان و وەزارەتی ئەوقاف و كاروباری ئایینی دوا بڕیار لەسەر ئەم بابەتە دەدەن كە لەبەرژەوەندی گشتیدابێت.
