کۆریای باشور داوای لێبوردن لە کۆریای باکور دەکات

SNN

لی جای میۆنگ، سەرۆکی کۆریای باشور داوای لێبوردنی لە کۆریای باکور کرد دوای ڕوداوی بەزاندنی ئاسمانی وڵاتەکە لەلایەن فڕۆکەیەکی بێفڕۆکەوانەوە، و جەختی لە پابەندبونی سیئۆل کردەوە بۆ ڕێگریکردن لە ڕوداوی هاوشێوە لە داهاتودا.

لی جای میۆنگ لە کۆبونەوەی ئەنجومەنی وەزیراندا ئەمڕۆ دووشەممە 6ی نیسان وتوویەتی، “کەسێکی کۆریای باشور بەبێ ڕەزامەندی حکومەت درۆنەکەی هەڵداوە. ”

ئاماژەی بەوەکردووە، هەرچەندە ئەوە مەبەستی حکومەتەکەمان نەبووە، بەڵام داوای لێبوردن لە کۆریای باکور دەکەین لەبەر ئەو گرژییە سەربازییە ناپێویستەی کە بەهۆی کارە نابەرپرسانە و سەرکێشەکانی هەندێک کەسەوە دروستبووە.

ئەمە لە کاتێکدایە، هەفتەی ڕابردوو داواکاری گشتی لە کۆریای باشور سێ  کەسی تۆمەتبار کرد بە هەڵدانی فڕۆکەی بێفڕۆکەوان بەسەر خاکی کۆریای باکوردا لە نێوان مانگی (ئەیلول/9) ساڵی ڕابردو و (كانونی دوەم/1)ـی 2026ـدا.