دیلان غەفور
عەلی حەمە سەعید-SNN
وتەبێژی فراكسیۆنی یەكێتی لە ئەنجومەنی نوێنەرانی عێراق ئاماژە بەوەدەكات زۆرمان پێخۆش دەبوو كە فراكسیۆنی پارتیش بەشداری كۆبوونەوەكەی پەرلەمانیان بكردایە، بەڵام دیارە ئەوان بە خواستی خۆیان نەیانتوانی بێنە هۆڵی پەرلەمانەوە، هەروەك دوێنیش وتمان كاندیدەكەی یەكێتی بوویە سەرۆك كۆمار.
دیلان غەفور، وتەبێژی فراكسیۆنی یەكێتی لە ئەنجومەنی نوێنەرانی عێرا ق بە SNNی ڕاگەیاند: هەروەك لەچەند ڕۆژی ڕابردوو خوێندنەوەمان بۆ دۆخی سیاسی ناوچەكە و كۆبوونەوەی پەرلەمانی عێراق كردبوو كە دەمانزانی كاندیدەكەی یەكێتی دەبێتە براوە بۆ پۆستی سەرۆك كۆمار، بەڵام فرامسیۆنی پارتی ئەمەیان قبوڵ نەبوو، بۆیە هەر لەسەرەتای كۆبوونەوەكەوە ویستیان گرفت دروست بكەن لەوەشدا سەركەوتوو نەبوون.
ئاماژەی بەوەشكرد، ئەم كۆبوونەوەیەی ئەمڕۆ ئەنجامدرا زیاتر بە فشاری هێزولایەنە سیاسییەكانی عێراق بوو كە خوێندنەوەیان بۆ بارودۆخخی ناوچەكە كردووە و دەزانن دۆخخی سیاسی لەوە زیاتر هەڵناگرێت هەڵبژاردنی سەرۆك كۆمار و پێكهێنانی كانبینەی نوێ نابێت لەوە زیاتر دوابكەوێت.
وتەبێژەكەی فراكسیۆنی یەكێتی ئەوەشی خستەڕوو، سەركەوتنی كاندیدەكەی یەكێتی مسۆگەر بوو، چونكە سەرۆك بافڵ ویستی هەر كارێك بكات دەیكات، ئەمڕۆش ئەوەمان بینی كە بەڵی تەنها یەكێتی نشتیمانی كوردستان و سەرۆكەكەیەتی دەتوانێت خاوەن بەڵێنی خخۆی بێت.
