وەزارەتى نەوتى عێراق: داهاتى نەوت لە مانگى ئازار نزیکەى 2 ملیار دۆلار بووە

SNN-

وەزارەتی نەوت ئامارە فەرمییەکانی هەناردە و داهاتی مانگی ڕابردووی بڵاوکردەوە، کە تێیدا پشکی هەرێمی کوردستان و کێڵگەکانی کەرکوک و باشوور بە وردی دیاری کراوە.

کۆی گشتیی بڕی هەناردە و داهاتی نەوت

1.957.121.000 وەزارەتى نەوتى عێراق لە نوێترین ڕاگەیەندراویدا ئاماژەی بەوە کردووە، بڕى هەناردەى نەوتى وڵات لە مانگى ئازاری ڕابردوودا گەیشتووەتە 18.604.951 بەرمیل. بەپێی ئامارەکان، کۆی گشتیی داهاتى بەدەستهاتوو لە فرۆشتنی ئەو بڕە نەوتە بریتی بووە لە  دۆلار.

دابەشبوونی هەناردە بەسەر کێڵگەکاندا

بەگوێرەی داتاکانی وەزارەتی نەوت، بڕى 14.561.534  بەرمیل نەوت لە کێڵگەکانى ناوەڕاست و باشوورى عێراقەوە هەناردە کراوە. هاوکات لەم ئامارەدا پشکی هەرێمى کوردستان بۆ مانگی ڕابردوو دیاری کراوە، کە بڕى 1.271.200  بەرمیل نەوتى هەناردە کردووە.

هەناردەی نەوتی کەرکوک و بەندەری جەیهان

سەبارەت بە کێڵگەکانی کەرکوک، وەزارەتی نەوت ڕایگەیاندووە کە لە ڕێگەى بەندەرى جەیهانى تورکیاوە، بڕى 2.772.217  بەرمیل نەوتى کەرکوک ڕەوانەى بازاڕەکانی جیهان کراوە. ئەم ئامارانە نیشاندەری بەردەوامیی پڕۆسەی هەناردەکردنن لە سەرجەم دەروازە و کێڵگە جیاوازەکانی وڵاتدا