لە دوا نیوەڕۆوە لەم ناوچانە تاوە باران و تەرزە و هەورە بروسکە دەبێت

SNN

شارەزایەکی کەشناسی رایدەگەیەنێت، کەشی ئەمڕۆی هەینی ناسەقامگیرە و لە دوا نیوەڕۆوە کەش بە تەواوی دەگۆڕێت بۆ هەوری تەواو و هەورە بروسکەی لەگەڵدا دەبێت.

هەڤاڵ سدیق گەڵۆزی شارەزای کەشناسی رایدەگەیەنێت، ئەمڕۆ هەینی کەشێکی ناسەقامگیری کەشوهەوا بەشێک لەناوچەکانی شەقڵاوە و ڕەواندوز و کۆیە و دەربەری ئیدارەی ڕاپەڕین و سۆران و ناوچەکانی باکووری خۆرهەڵاتی دهۆک و بەشێک لەناوچەکانی باکووری هەولێر و سلێمانی و هەڵەبجەو باکووری خۆرهەڵاتی کەرکوک دەگرێتەوە.

ئاماژە بەوەدەکات، لەکاتە نیوەڕۆ بەدواوە بۆ کاتی ئێوارە ئاسمان لەوناوچانە دەگۆڕێت بۆ هەوری تەواو ئەگەری تاوەبارانی بەخوڕ و هەورە بروسکەی بەهێز هەیە لەهەندێک ناوچە تەرزەشی لەگەڵدایە حاڵەتەکە کورتخایەنە درەنگانی شەو لەناوچە شاخاوییەکان کۆتایی دێت.

دەڵێت “بڕی بارانبارینەکەش لەناوچەکانی ئیدارەی سۆران پێشبینی دەکرێت زۆرترین باران ببارێت بڕەکەی لەنێوان 10 بۆ 15 ملم بارانه، لەناوچەکانی تری هەرێمیش کەشوهەوا ئاسایی دەبێت بەبەراورد لەگەڵ دوێنێ پلەکانی گەرما بەرزبوونەوەی زیاتر بەخۆیەوە دەبینێت .