سبەینێ مەسرور بارازنی دادگایی دەکرێت

عەلی حەمە سەعید-SNN

لەبەرامبەر دروستكردنی گرفت و ڕێگە نەدان بۆ هەناردەكردنی نەوتی هەرێم لەڕێگەی بۆری نەوتی هەرێم بۆ بازاڕەكانی جیهان، سەرۆكی فراكسیۆنی سادیقون لە ئەنجومەنی نوێنەرانی عێراق لە دادگای فیدراڵی سكاڵای یاسایی لەسەر مەسروبارزانی سەرۆكی حكومەت تۆماركرد و بڕیاریش سبەی یەكەم دانیشتنی دادگا بەڕێوەبچێت.

بەگوێرەی ئەو زانیارییانەی كە لە بەغداوە بە SNNدراون ئەوەخراوەتەڕوو، دوای ئەوەی لەسەرەتای دەستپێکردنی شەڕی نێوان عێراق و ئەمریكا و ئیسرائیل گرفت بۆ هەناردەكردنی نەوتی عێراق دروستبوو، حكومەتی عێراق داوای لە حكومەتی هەرێم كرد كە لەڕێگەی بۆری نەوتی هەرێمەوە نەوت هەناردەی بازاڕەكانی جیهان بكات، بەڵام ئەوكات مەسروبارزانی سەرۆكی حكومەت ئەو داواكارییەی بەغدای ڕەتكردەوە و كۆمەڵێك مەرج و داواكاری خستە بەردەم بەغدا بۆ ڕەزامەندی هەناردەكردنی نەوتی عێراق.

ئاماژەی بەوەشكرد، لەبەرامبەر ئەو كارەی مەسروبارزانی، عودەی عەواد، سەرۆكی فراكسیۆنی سادیقون، باڵی سیاسی عەسائیبی ئەهلی حەق لە دادگای فیدڕاڵی عێراق سكاڵای دژی مەسرور بارزانی سەرۆكی حكومەتی هەرێمی كوردستان تۆماركردووە، هاوكات بڕیاریشە كە سبەی سێ‌ شەممە یەكەم دانیشتنی دادگای فیدراڵی بۆ ئەو سكاڵایە بەڕێوە بچێت.